Parseria ba Hametin Dezenvolvimentu Suku no Administrasaun Munisipál (PARTISIPA) hanesan programa prinsipál Austrália nian ba haforsa governasaun sub-nasionál no programa infraestrutura komunitária iha Timor-Leste. Servisu hamutuk ho Ministériu Administrasaun Estatál, Ministériu Obras Públikas, munisípiu sira, komunidade sira no parseiru sira seluk atu hametin sistema nasionál sira, haforsa governasaun munisípiu, no implementa infraestrutura sustentável, asesivel no reziliente ba klima. Liuhosi kombina apoiu ba reforma polítika, sistema governu lokál, no infraestrutura hanesan estrada rurál no jestaun bee, PARTISIPA ajuda Governu Timor-Leste atu fó benefísiu reál ba sidadaun sira — asegura instituisaun ne’ebé efetivu liu, promove lideransa lokál ne’ebé forte liu, no asesu di’ak liu ba servisu ho kualidade.